Отворање на изложбата „4 Идеи / Ремикс“

Во сабота, 02.09.2017 со почеток во 20.00 ч. во нашата галерија ќе биде отворена изложбата насловена 4 Идеи / Ремикс, која претставува избор на дела на четворица современи македонски автори: Христина Иваноска, Велимир Жерновски, Ѓорѓе Јовановиќ и Јане Чаловски. Куратор на изложбата е Јованка Попова, а истата ќе биде отворена за јавноста до 21 септември.

Изложбата „4 Идеи / Ремикс“  следи четири генеологии на концептуално и визуелно обмислување и изразување кои се ставени во меѓусебен дијалог поставувајќи контекст за делата остварени во рамки на проектот „Everything Matters Prototypes“ во реализација на Проектниот простор Прес ту егзит од Скопје.